ХХI ғасырдағы Қазақстандық ата-ана: Өз балаңа үлгі бол» Республикалық ата-аналар конференциясы

«XXI ҒАСЫРДАҒЫ ҚАЗАҚСТАНДЫҚ АТА-АНА:
өз балаңа үлгі бол»

5-6-7 СЫНЫП ОҚУШЫЛАРЫНЫҢ АТА-АНАЛАРЫНА ПСИХОЛОГИЯ-ПЕДАГОГИКАЛЫҚ КӨМЕК



«XXI ҒАСЫРДАҒЫ ҚАЗАҚСТАНДЫҚ АТА-АНА: өз балаңа үлгі бол» тақырыбындағы Республикалық ата-аналар конференциясы К. Әзірбаев атындағы №15 орта мектебінде 22 қыркүйек 2018 жылы сағат 10.00-де өткізілді.
Конференцияның басты мақсаты: бала тәрбиесінде ата-аналарға қолдау білдіру, психологиялық - педагогикалық көмек көрсету, ақыл-кеңес беру, ата-аналардың шеберліктерін шыңдау.
Келген ата-аналар тіркеуден өткеннен кейін, барлық ата-аналарға жаднамалар мен сауалнамалар таратылды.

Ата-аналар конференциясының модераторы С.Т. Бектурганова Қазақстан Республикасының Ғылым және білім Министрлігі балалар құқығын қорғау бойынша Комитетінің Төрағасы Н.Ә.Оршубековтың жария хатымен таныстырды.
Конференция ата-аналардың өз баласының ақпараттық қауіпсіздігін сақтау, балаларды интернет арқылы түсетін жағымсыз ақпараттан қалай қорғау қажет, интернет-тәуелділік қалыптасуының алдын алу бойынша, өзіне-өзі қол жұмсау және өзін-өзі бұзудан сақтау мәселелері бойынша, жасөспірімдер ортасындағы девианттық мінез-құлықтың алдын алу, ата-аналар өз бойында қандай қасиеттерді дамыту қажет, бала тәрбиесінде туындайтын қиын сұрақтар мен өскелең ұрпақты тәрбиелеу бойынша мектеппен өзара қатынасты дамыту мен отбасылық құндылықтарды жаңғыртуға бағытталды.

Конференция бағдарламасында Қазақстан Республикасы Білім және ғылым министрлігі Балалардың құқықтарын қорғау комитетінің тапсырысы бойынша жасалған бейнероликтер қамтылды.
Шақырылған ата-аналарға балаларының тәрбиесі мен білім алуына орасан зор күштер мен құралдарды жұмсап, отбасы проблемаларын жіті назарда ұстайтындығы жайлы айта өтіп, слайдтар мен бейнежазбалар көрсетіле отырып, ата-аналармен ой бөлістік.
Конференция соңында ата-аналар бүгінгі іс-шарадан алған әсерлерімен бөлісіп, өздеріне пайдалы ақпарат алғандарын айтып, ұйымдастырушыларға алғыстарын білдірді.